l مواضيع مدونة فتافيت

للدخول على المدونه اكتب في جوجل مدونة فتافيت على الرابط الاتي http://noormaya.blogspot.com/

اخبار العربيه

سيتم غلق المدونه قريبا للزوار سارع بالاشتراك فى المدونه قبل غلق الانضمام

الثلاثاء، 27 ديسمبر 2011

للمجروحين .. للزعلانين .. للمخنوقين!

الرسالة دي موجهة لمين؟

بوجهها لــ

الزعلانين

المخنوقين

لأصحاب المشكلات النفسيةللمجروحين .. للزعلانين .. للمخنوقين!

لكل واحدة قلبها مجروح من تجربة خطوبة فشلت

أو

ما اتقدملهاش حد خاااااااااالص


بكل الحب والثقةللمجروحين .. للزعلانين .. للمخنوقين! بقولكم :

اصبروا واحتسبوا

ربنا كريـــــــــم ومش هيضيعكم

خليكي زي الريشة تطير بيكي أقدار الله وأنتي راضية ومستسلمة

نفصص الكلام..

بالنسبة للي اتعرضت لتجربة أو تجـــارب خطوبة .. وفشلت أو توقفت لأي ظروف ما
الأول عايزين نفهم حاجة

ايه الحكمة من الابتلاء؟
الله يبتلي ليهذب لا ليعذب!
الله يبتلينا ليداوينا !

ربنا بيبتليكي عشان ترجعي له .. بيصفي قلبك عشان يكون الحب الخالص له وحده

لما بتتعلقي بحاجة اوي اوي وتوشك الحاجة دي تستولي على قلبكِ وتحبيها أكتر من ربنا ..
فربنا برحمته بينزعها منكِ
عشان لو فضلتي متعلقة بها هتتعذبي بها .. ولا بد!

حتى لما بينعم عليكي بإذن الله بأنه يرزقك زوج بعد حرمان وتقطيع قلب في تجارب فاشلة
فعشان برضو تفضلي فاكرة أنه هو اللي أعطاكي النعمة وتحسي بالامتنان

وتفضلي فاكرة أنه مش بجمالك ولا بشطارتك هيكمل معاكي العريس ده
لكن بحول الله و قوته!
فلما تخرجي من تجربة كده:

** خليكي قوية... بالله !
لحظات القرب من ربنا والدعاء وقت الشدة دي لا يعادلها شئ
قربي واشكي له

** أنتي دلوقتي مطلوب منك عبودية اسمها عبودية الصبر
مش هيريح قلبك ولا يبرد ناره ولا هيخفف عنك في الوقت ده الا الصبر

والصبر تحققيه ازاي؟
حبس القلب عن التسخط = قلبك من جوة راضي
حبس اللسان عن الشكوى = لسانك راضي ومش بينال من حد

لو أنتي مظلومة اصبري واحتسبي ظلمك ده كله حسنات يوم القيامة
ماتضيعيهاش في غيبة اللي ظلمك ولا شهوة الانتقام منه

** اوعي تنهزمي نفسيًا

** ماتخليش كلام الناس يؤثر عليكي ويوترك من اللي يقولولك:
مش هتلاقي حد تاني وخليكي قاعدة كده
"واللي مايرضاش بالخوخ يرضى بشرابه"للمجروحين .. للزعلانين .. للمخنوقين!
أو يخليكي تتنازلي عن طموحك في الزواج من إنسان صالح وتتجوزي أي حد وخلاص

أو حتى يخليكي تتنازلي وتنهزمي جوة نفسكِ وتلبسي متبرج وتنزلي تختلطي بالرجال عشان يشوفوكي

لأن مفروض هدفك من الزواج ارضاء ربنا وعفة نفسك عشان ماتعمليش حرام
طب ربنا اللي بايده رزقك لو رأى أنك ركنتي للدنيا كده مش هيبارك لك وقد يمنع عنك الرزق


** هتتصدمي في ناس كتير
بس زي ما بيقولوا "الضربة اللي ما تقتل تقوي"
والنفوس الكويسة بتبان في الشدائد
حتى العريس اللي تركك ده فده لأنه مالوش خير معاكي حتى لو كان الظاهر ليكي أنكو لايقين على بعض جدا
وحتى لو بينك وبين نفسك حاسة أن الظروف هي اللي فرقت بينكم لكن أنتو اصلا لبعض
فطالما ربنا لم يكتب لكم أنكم تكملوا فده لا يعني الا انكو مش لبعض
و لأن ربنا يعلم أن هناك واحد تاني يمشي على ظهر الارض هو نصيبك دون رجال العالم جميعًا

** اعتبري كل تجربة فشلت وحدة مستقلة
يعني ماتدخليش أي تجربة في التانية وتدخلي على العريس الجديد وأنتي "منفسنة" ومطلعة عليه كل الكلاكيع النفسية اللي اتعقدتي فيها من الرجال

مالوش ذنب!

** قبل ما تدخلي على خطوبة جديدة اتركي لنفسك فترة نقاهة كده تستعيدي فيها نفسك وتستخلصي الدروس اللي اتعلمتيها من التجربة السابقة
و راجعي ذنوبكِ كويس جدااااا
لأن التنغيص ده من شؤم الذنوب والمعاصي

** تجنبي أنك تتكلمي عن تجربتك اللي فاتت دي وماتحاوليش تفتكريها

** لو طـــــــال بكِ الانتظار

مفيش ولا عريس اتقدم بعد "الخاطب السابق"

فاقرأي السطور الجاية اللي هنقولها برضو..






لكل واحدة مااتقدملهاش حد خالص

تعرفي أنك في نعمة اسمها نعمة "العــــافيــــة" ؟؟؟

أن ربنا عافاكي من حزن القلب واهتراؤه وكل شوية تفتحي صفحة جديدة و واحد يجي يشغبط فيها شوية وبعدين يمشي

أنتي بفضل الله لسه صفحة بيضا

حافظي على صفاءها لحد ما يجي اللي يرسم فيها أجمل قلب ويكتب أجمل قصة حب للمجروحين .. للزعلانين .. للمخنوقين!

املأي قلبك بالإيمان والحب والرحمة
عارفة ازاي تملأيه ؟؟

بأنك تتمني الخير لكل اللي حواليكي وتدعي لهم بالبركة

تمشي في الشارع شايفة زوج و زوجة ماشيين مع بعض

ادعي لهم بالبركة والذرية الصالحة

واسألي الله من فضله

يارب بارك لهم ... يارب ارزقني من فضلك

# ما تنكمشيش وما تتقوقعيش على نفسكِ
في بنات لما بيتأخر زوجهم الدنيا بتسود في عنيهم ومش بيحبوا يحضروا أفراح ولا يشوفوا ناس
انفتحي مع الناس صحباتك وجيرانك وخليكي ودودة
(طبعا من غير اختلاط مع الرجال)


# غيري طباعك السلبية زي مثلا مش اجتماعية مش شاطرة في شغل البيت... كل ما ضيوف يجوا يزوروكي يلاقوكي منكوشة و لبسك مبهدل
ماتخليش حد يمسك عليكي عيب

# أنتي طبعا منتظرة الرزق من ربنا مش من حد

بس أنتي بتاخدي بالأسباب

ربنا جعل الناس أسباب موصلة ... ماتقفليش عن نفسك الباب ده بسوء فقه وسوء حكمة منك

# اوعي تظني في نفسكِ أبدًا أنكِ مش جميلة فلذلك محدش بيتقدم لكِ وتحبطي وتكتأبي
كل واحدة لها جمالها الخاص .. والجمال نسبي

سبحان من لا يعلم أقدار عباده إلا هو !
"وَاللّهُ يَرْزُقُ مَن يَشَاءُ بِغَيْرِ حِسَابٍ "

ممكن واحدة أجمل منكِ وأشطر منكِ ولسه قاعدة في البيت

وممكن واحدة أقل منك في الجمال بكتييييير وتتزوج قبلكِ

دي حاجة محضة بتاعة ربنا
وعموما ماتشغليش نفسك بحد

# ما تنتظريش من حد أبدًا أبدًا أنه يجيب لك عريس ولا تعلقي قلبكِ بحد ولا تلومي حد ولو في قلبكِ أنه مش بيجيب لك عرسان

وإن جيتي للحق .. ليكي حق تتضايقي!
لأن المفروض المؤمن للمؤمن كالبنيان يشد بعضه بعضًا

بس لعل اللي منتظرة منه ده قليل الحيلة معارفه قليلة

لعله فعلا بيدور لك ونفسه يزوجك بس مش لاقي المناسب ليكي
ومش عايز يعلقك بوعود فتكتأبي زيادة

لعله ولعله

فالأسلم ليكي ولقلبكِ أنك تتغافلي.. خليكي دايما حسنة الظن بالله أنه هيكفيكي ويعوضك ويغنيكي بفضله عمن سواه

# وخليكي كده :
حسنة الظن بالناس .. سليمة النية .. ساذجة
مش خبيثة ولا لئيمة ولا مبتذلة
ما ترخصيش نفسكِ لأي سبب
لكن...
خليكي مع ربنا وبس
أنتي عزيزة و غالية ومش هيقدرك إلا اللي هيجي لحد باب بيتك


موضوع كنت نقلته قبل كده
ماتوقفيش حياتك على ( رجل ) ! ( رسالة هامة )

هفترض معاكي على أصعب الظروف

أنك كبرتي في السن أوي ومااتجوزتيش

وباباكي و مامتكِ مش موجودين

وربنا قدر لكِ حياة أطول من بعدهم

هتوقفي حياتك ؟؟؟
هتستسلمي للاكتئاب و الوحدة ؟؟
استني أنتي نسيتي
"وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ"

في الأصل أنتي اتخلقتي للعبادة

عبادة في كل الأحوال
سواء أعطاكي أو لم يعطيكي

عبادة في كل مراحل حياتك
فتاة - شابة - سيدة - عجوز

عبادة
وأنتي عازبة أو متزوجة

ليست هناك تعليقات:

إرسال تعليق

احدت التدوينات

شات مدونه